Songtext zu Gladiole


[Verse]
Hätt chönnt schwöre
Da chunnt sicher no meh
Nume ds Schöne
Nume ds Guete wöue gseh

Jedi Warnig
Au di Zeiche ignoriert
Soviu Närve
Soviu Wermi inveschtiert

Es wäiht e scharfi Biise
Gseh di i chautem Liecht
I frag mi mittlerwiile
Wime so blind cha sii

Des si di letschte Räschte
Des isch mi Abschidsbrief
I dräih en Ehrerundi
När chunnt di Abrissbire

Nomau es Liebeslied
När simer beidi quitt
Meine mit «Du» nüm di
Und o mit «Mir» nüm üs

I ha des so lang wöue kläre
Itz wott i nume no vrgässe

[Chorus, 2x]
Es isch guet so wie’s isch
Lah la sii, was isch gsi
Irgendwenn, irgendwenn
Isch des aues vrbii

[Verse]
I ha mi la gheie
Du hesch mi la gheie
Des isch nid ungerächt
Des isch dis guete Rächt

Du bisch nid Superman
I bi nid d Wonderwoman
Nid dini Trinity, dini Billie Jean
U dis guinea pig

I bi di Schtouperschtei
Du bisch mi Zouberlehrling
Und wär des gloubt wird seelig
I weiss du gloubsch mr eh nid

Hätts müesse besser wüsse
Ha wöue Böim usriisse
Ha wöue ds Läbe gschpüre
Ha wöue Frösche küsse

Uf jedi wiitri Enttüschig - Tüüschig
Fougt e chliini Erlüchtig
I schtig itz gschidr i des Rettigsboot, wöu
Di Beziehig isch nid reziprok

[Chorus, 4x]
Es isch guet so wie’s isch
Lah la sii, was isch gsi
Irgendwenn, irgendwenn
Isch des aues vrbii

[Bridge]
U mängisch gahni no gah luege
Obwouh i weiss, dess mr nid guet tuet
Obwouh i merke, wi’s mi drustuet
Wi’s mi ussuugt
Fuck des isch so ungsung!

[Chorus, 2x]
Es isch guet so wie’s isch
Lah la sii, was isch gsi
Irgendwenn, irgendwenn
Isch des aues vrbii

[Verse]
Du bruuchsch u du brichsch mi
Du nimmsch di chli z’wichtig
Di Mischig isch giftig
I schtriich di vor wishlist

Säg was isch Liebi
Ohni Hiigab, Iisatz?
Si hingerlaht
E bittre Biigschmack

Wott keni wiitre Drame
Schwänke di wiissi Fahne
I bi erwachet
I bi erwachse

Ha d Schnure vou
Vo dine Capriole
I gah i Garte
Giesse d Gladiole

U ds Klavier
Isch ändlech wäg
Has no la schtimme
När vrschänkt

I wünschti o
Di Gschicht wär gässe
Und i müesst
Di nüm erwähne

Steff la cheffe - Gladiole Songtext

zu Gladiole von Steff la cheffe - Gladiole Lyrics Steff la cheffe - Gladiole Text Steff la cheffe - Gladiole Liedtext

Noch keine Übersetzung vorhanden.
Musik-Video-Miniaturansicht zu Gladiole Songtext von Steff la cheffe

Video zum Gladiole


Gladiole Songtext von Steff la cheffe


Andere Songtexte und Deutsche Übersetzungen

von Steff la cheffe

Beliebt Songtexte und Lyrics auf Deutsch:

Suchbegriff: songtexte gladiole