Seiler feat. Norbert Schneider - Hausverbot Text

Songtext zu Hausverbot

[Verse 1]
Wie geht's da so? Na jo, geht eh, i hob ois wos ma braucht
Und no mehr, nämlich Schädlweh, mei Titus der raucht
De Tschick san aus, des Packl lah, so lah wie i
Z'weng zum Lebn, z'vüh zum Sterbn ohne di
Des dunkle Hoiz aun da Waund und da oide Parkett
Der bei jedm Schriat knauert bis hint'n ins Kabinett
Hunderte Büdln und jed's geht ma o
I woat vur da Tia und steh schen bled do

[Chorus]
Wäu i hob Hausverbot in mei'm Lokal
Wo i friara moi g'huckt bin, huckt jetzt a aundra
Jo i hob Hausverbot in mei'm Lokal (in mein Lokal)

Wo i friara moi g'huckt bin, huckt jetzt ein Oaschloch
Grinst durch die Auslog, und i steh heraussn und fria

[Verse 2]
Geht's da so? Jo eh, muass geh, mei Mogn is so flau
Kaun nix hean, kaun nix segn, aussa a klan's bissl Grau
Da Schnops is aus, die Floschn lah, so lah wie i
Z'weng zum Lebn, z'vüh zum Sterbn ohne sie
D'grossn Augn, da klane Mund, ihr Eau de Toilette
Host a Wochn no g'rochn bis ins Kabinett
Hunderte Büdln, a jed's geht ma o
I woat vua da Tia, wäus mi steh lossn hot

[Bridge]
I bin jetzt echt do heraussn is' koid
I find kan zweitn Eingaung und i find kann Hoit
I steh do heraussn gaunz ohne Grund
Dem hau i die Zähnt ein, dem Hund

[Chorus]
Wäu i hob Hausverbot in mei'm Lokal
Wo i friara moi g'huckt bin, huckt jetzt a aundra
Jo i hob Hausverbot in mei'm Lokal (in mein Lokal)
Wo i friara moi g'huckt bin, huckt jetzt ein Oaschloch
Und grinst durch die Auslog, owa i steh heraussn und fria

[Interlude]
Jaja, die Liebe – wia hot de ane damals g'sunga – ist ein seltsames Spiel
Aha. Gibt's deswegn nur Verlierer? Wos isn des fia a Spüh?
Und warum g'winn in ned, waun i eh g'schummelt hob?
Den Bledsinn kennt's allan spühn! Do moch i ned mit!
Do is jo Schach no interessanter. Do schloft ma wenigstens nur s'Gsicht ein! Guade Nocht!

[Chorus]
Wäu i hob Hausverbot in mei'm Lokal
Wo i friara moi g'huckt bin, huckt jetzt a aundra
Jo i hob Hausverbot in mei'm Lokal (in mein Lokal)
Wo i friara moi g'huckt bin, huckt jetzt ein Oaschloch
Und grinst durch die Auslog, owa i steh heraussn und fria

Seiler & Norbert Schneider - Hausverbot Songtext

zu Hausverbot von Seiler - Hausverbot (feat. Norbert Schneider) Lyrics Norbert Schneider & Seiler - Hausverbot Text Hausverbot Seiler Hausverbot Liedtext


Noch keine Übersetzung vorhanden.