Marty McKay - D'Fassade Bricht Text

Songtext zu D'Fassade Bricht

Oh
D'Fassade bricht
D'Krise zeigt dis wahre Gsicht
Oh oh
Enthüllt wer mer würklich isch
De Tüfel outet sich

D’Wahrheit chunt as Liächt, wer hetis dänkt, s Fundamänt isch gsprängt
Klarheit wo sich ufzwängt, d Tüfelsfratze hät sich i eusi Frequänz drängt
D’Maske sind gfalle, au wenn me sie treit, giz kei Bländerei, «Luke 12:2»
Mit em ungschminkte Läbe wird jedem sini wahri Site so unverblüemt frei
Vo inne nach usse, so ehrlich wiä d’Nacht, düschter und chalt
Aber Mensche uf ein Blick z durchschaue isch unbezahlt, für Spili bini z’alt
Fertig mit de Theorie, de Schall und Rauch isch jetz verbi

Unnötig Zit verschwände mit Lüt wos nöd wert sind isch geschter gsi
Hüchler und Bländer mit falscher Agända, exponiert bi jedere Tageszit
Dummheit wird so klar, sogar de «Bachelor» seit es gaht em z’wit
Vil z’vil Lüt händ sich als totali Unmensche entlarvt
Aber alles chunt zrug, wenn s’Karma z’langsam isch, hälfer mer nah

Oh
D'Fassade bricht
D'Krise zeigt dis wahre Gsicht
Oh oh
Enthüllt wer mer würklich isch
De Tüfel outet sich

Früehner isch de Chef de bescht gsi, hüt isch de Denunziant überall bekannt
Mitläufer nämed Überhand, sälber dänke wird Schritt für Schritt verdammt
Ich chönt me chotze als ich isse, bi so vil Ignoranz und Egoischte
Z'viel Opportunischte, i de Unmenschlichkeit sinds Spezialischte
Diä wo am wenigste wüssed, ghorched mit Abstand am beschte
Mir sind kollektiv am verblöde, «hilfe ich bruch eh chugelsicheri Weschte»
Sie schribäd där vor was ztue häsch, wills s’eigene Läbe nöd im Griff händ
Liäber stärbe als selber lerne denke, es nimmt käs End
Charakter lat sich nöd retouchiäre, fählendi Empathie nöd dementiäre
Egal wiävil Diplom mer hät, mit studiäre chamers nöd kompensiäre
Schweri Zite i dä Krise händ de glich Effekt wiä d Sunnebrülle vom «John Nada»
Es isch Zit zum diä verbländete Lüt us eusem Läbe gah lah

Di gross Enthüllig
Wiä mir würklich sind
Vom Hass tüf erfüllt
Warum simer so blind?

Oh
D'Fassade bricht
D'Krise zeigt dis wahre Gsicht
Oh oh
Enthüllt wer mer würklich isch
De Tüfel outet sich

Während dunkle Zite
Zeigt jede sini wahri Site
Jede bechänt Farb
Und zeigt zu was er staht
Zeigt zu was er staht

Ich gseh wiäd würklich bisch
Jetz gsehni wiäd würklich bisch

Marty McKay - D'Fassade Bricht Songtext

zu D'Fassade Bricht von Marty McKay - D'Fassade Bricht Lyrics Marty McKay - D'Fassade Bricht Text D'Fassade Bricht Marty McKay D'Fassade Bricht Liedtext

Noch keine Übersetzung vorhanden.