Mani Matter - I han es Zündhölzli azündt TEXT

I han es Zündhölzli azündt
Deutsche Übersetzung 🇩🇪 »

Songtext zu I han es Zündhölzli azündt

I han es Zündhölzli azündt
Und das het e Flamme gäh
Und I ha für d'Zigarette
Welle Füür vom Hölzli näh
Aber ds Hölzli isch dervo-
Gspickt und uf e Teppich cho
Und es hätt no fasch es Loch I Teppich gäh dervo

Ja me weiss was cha passiere
We me nid ufpasst mit Füür
Und für d'Gluet ar Zigarette
Isch e Teppich doch de z'tüür
Und vom Teppich hätt o Grus
Chönne ds Füür is ganze Hus

Und wär weiss, was da nid alles no wär worde drus

S'hätt e Brand gäh im Quartier
Und s'hätti d'Füürwehr müesse cho
Hättid ghornet I de Strasse
Und dr Schluuch vom Wage gno
Und sie hätte Wasser gsprützt
Und das hätt de glych nüt gnützt
Und die ganzi Stadt hätt brönnt, es hätt se nüt meh gschützt

Und d'Lüt wären umegsprunge
I dr Angscht um Hab und Guet
Hätte gmeint s'heig eine Füür gleit
Hätte ds Sturmgwehr gno ir Wuet
Alls hätt brüelet: Wär isch tschuld?
Ds ganze Land I eim Tumult
Dass me gschosse hätt uf d'Bundesrät am Rednerpult

D'UNO hätt interveniert
Und d'UNO-Gägner sofort o

Für ir Schwyz dr Fride z'rette
Wäred beid mit Panzer cho
S'hätt sech usdehnt nadisna
Uf Europa, Afrika
S'hätt e Wältchrieg gäh und d'Mönschheit wär jitz nümme da

I han es Zündhölzli azündt
Und das het e Flamme gäh
Und I ha für d'Zigarette
Welle Füür vom Hölzli näh
Aber ds Hölzli isch dervo-
Gspickt und uf e Teppich cho -
Gottseidank dass i's vom Teppich wider furt ha gno

Mani Matter - I han es Zündhölzli azündt Songtext

zu I han es Zündhölzli azündt von Mani Matter - I han es Zündhölzli azündt Lyrics Mani Matter - I han es Zündhölzli azündt Text I han es Zündhölzli azündt Mani Matter I han es Zündhölzli azündt Liedtext