Songtext zu Nebel
Die Sunn geht auf und i schnauf, weil in mir geht's langsam unterI bin drauf und i bin dran, mi zu verliern
Do passt' nur amoi kurz net auf - Prack, is's Sonntag
Ois is zua und I muass wieder funktionieren
Genier di, wei du wieder irgendwos versprochen host
Genier di, wei du's kurz danach schon wieder brochen host
Verlier di, wei Verlierer eh nix anders drauf hobn
Ignorier mi, wei i recht hob, kannst du eh nix drauf sogn
Die Sunn, sie steht und i tua mi weit, weit, weiter weg
Ois vergeht mit der Zeit, nur mei Leid, Leid leider net
Auf der Flucht in die Sucht, bin a feig-, feig-, feiger Depp
Der mittels Mittel vermittelt, weil's Mittel heiligt den Dreck
Refrain:
Und i dämpf mi aus und i bau ma ein
Ois, um net mit mir allan zu sein
Knebel mi im Nebel bis i
Nix mehr waß und nix mehr g'spiar
Die Sicht auf jede Pflicht verlier
I moch nix her, drum moch i mi hi
Die Sunn geht unter und i waß, i geh's mit ihr
A schworze Nocht ziagt auf und i ziag auf mit ihr
Sie nimmt mei Haund und flüstert gaunz, gaunz leise "Kumm
Dort wo wir zwa hingeh'n, brauch ma gor ka Sunn"
Genier mi, wei i waß, dass i so weitermochn wiar
Genier mi, wei i gengan Teifl jede Nocht verlier
Genier mi, wei vom ganzen Blenden i verblendet bin
Ignorier di, wei ois taub is, mocht des olles eh kan Sinn
Und I blos mi weg und i richt mi her
Die Nasen voll, oba as Herz so leer
Knebel mi im Nebel bis i
Nix mehr waß und nix mehr g'spiar
I brich ma's G'nack, oba nie aus aus mir
I moch nix her, drum moch i mi hi
Genier mi, wei mi jeder Abend vergiftet
Genier mi, wei i waß, dass Nadel verpflichtet
Wie oft hob I mi schon belog'n, dass i nix mehr nimm
I hob olles außer Grenzen zog'n: Fixtermin
I dämpf mi aus und i bau ma ein
Ois, um net mit mir allan zu sein
Knebel mi im Nebel bis i
Nix mehr waß und nix mehr g'spiar
Die Sicht auf jede Pflicht verlier
I moch nix her, drum moch i mi hi
AUT of ORDA - Nebel Songtext
zu Nebel von AUT of ORDA - Nebel Lyrics AUT of ORDA - Nebel Text Nebel AUT of ORDA Nebel Liedtext AUT of ORDA - Nebel TekstAlbum: Nebel (2024)
Noch keine Übersetzung vorhanden.
Video zum Nebel
▶
▶
